COÑECE Á TÚA EMPRESA: Visita ás instalacións de Navantia

O mércores 23 de outubro 65 estudantes da Facultade de Informática visitaron as instalacións de Navantia, unha actividade organizada conxuntamente pola nosa facultade e a empresa.

O estudantado, das tres titulacións de grao da facultade e actualmente cursando terceiro ou cuarto curso, desprazouse en autobús a Ferrol para asistir a un programa de visita que deu comezo ás 9:30 h da mañá, coa recepción ao estudantado pola dirección da empresa, e rematou ás 15:30 h, incluíndo un aperitivo para todas as persoas asistentes.

Ao longo da visita o estudantado puido ver o Centro de Control Integrado, o Centro de Innovación e Robótica, o Sistema de Servizos Integrados, Produción e a Fábrica Dixital de Bloques da compañía.