Plano de Acción Titorial (PAT)

(INGLES)

O plan de acción titorial (PAT) asigna titores ao estudantado da FIC, para que supervise a súa correcta adaptación ao centro e o adecuado aproveitamento das súas aprendizaxes.

Os obxectivos do PAT son:

• Axudar á adaptación e integración do alumnado de nova incorporación.
• Fomentar o uso dos recursos e servizos dispoñibles tanto no centro como na universidade para mellorar a vida universitaria dos alumnos.
• Tratar de potenciar o rendemento académico e a adquisición de competencias transversais do alumnado do centro.
• Orientar ó alumnado no plano profesional de cara á súa incorporación ó mercado laboral.
• Fomentar a participación do alumnado no PAT, e máis en xeral, na vida do centro e na representación de estudantes.

Durante as sesións de orientación entre os titores e o alumnado, tanto individuais como grupais, trátanse puntos como os seguintes:

• A función do PAT no centro e a adaptación ás necesidades do alumnado.
• Coñecemento que ten o alumnado sobre o centro: calendario académico, horarios, exames, equipo decanal e as súas funcións, espazos, servizos e recursos do centro.
• Particularidades do plano de estudos (especialidades, optatividade, prácticas en empresas, traballos fin de grao/mestrado).
• Asociacións estudantís e de representación de estudantes.
• Servizos, programas, asociacións útiles na súa vida académica tanto do centro como da UDC: secretaría, biblioteca, LERD, SAPE, OSL/GPUL, Erasmus, CAU, CeCaFi, extensión universitaria (deporte, cultura), ADI, etc.
• Docencia en inglés e mobilidade (de fin de estudos e prácticas).
• Adquisición de competencias transversais (habilidades de comunicación, emprendemento, etc).
• Organización do tempo de estudo.
• Información de diferentes tipos de matrícula (tempo parcial), recoñecementos, paso dende titulacións a extinguir a titulacións novas.
• Orientación laboral, detectar cal é o coñecemento da súa profesión  Información sobre formación de posgrao (mestrados no centro e outros). 

A filosofía xeral do PAT está reflexada na web do PAT da UDC e nos seguintes documentos descríbese a implementación do PAT na FIC nos diferentes cursos:

• Proxecto PAT curso 2016/17
• Proxecto PAT curso 2015/16
• Proxecto PAT curso 2014/15
• Proxecto PAT curso 2013/14

Estructura do PAT do centro e contactos: 

• Coordinador PAT do Centro (José Antonio Garcia Naya, email de contacto para temas relacionados co PAT: pat.fic @ udc . es)
  • Coordinador PAT do Grao en Enxeñaría Informática (José Antonio Garcia Naya)
    • Titores grupais
    • Titores individuais
    • Estudantes mentores
  • Coordinador PAT do Mestrado Universitario en Enxeñaría Informática (Luis A. González Ares)
  • Coordinador PAT do Mestrado Universitario en Matemática Industrial na UDC (Carlos Vázquez Cendón)
    • Titores individuais
  • Coordinador PAT do Mestrado Universitario en Técnicas Estatísticas na UDC (José Antonio Vilar Fernández)
  • Coordinador PAT do Mestrado Universitario en Computación de Altas Prestacións na UDC (Patricia González Gómez)
    • Titores individuais
  • Coordinador PAT do Mestrado en Xeoinformática na UDC (Miguel A. Rodríguez Luaces)

Implementación do PAT no Grao en Enxeñaría Informática:

Na titulación de Grao en Enxeñaría Informática existe unha asignación individual alumno-titor que se fai cando o alumno ingresa por primeira vez no grao e se mantén, mentres sexa posible, ata que o alumno remate a carreira. Desta maneira, o estudante pode acudir ao seu titor individual sempre que o necesite.

Ademais dos titores individuais, cada grupo de teoría do grao ten asignado un titor grupal que terá, como mínimo, tres reunións grupais anualmente co seu grupo: unha a principios do curso, outra a principios do segundo cuadrimestre, e outra a finais do curso académico. Na primeira reunión presentará o PAT entre o alumnado que non o coñece, explicará a súa labor como titor, e poderá ter un primeiro contacto cos estudantes, orientándoos nos procesos que transcorren durante os primeiros meses de curso e detectando calquera necesidade ou problema que xurdira ate o momento. Na segunda titoría grupal pode analizar o transcurso do primeiro cuadrimestre e detectar novas necesidades ou problemas, e finalmente na última titoría grupal ao final do curso académico poderase analizar o transcurso do curso completamente. Ante calquera problema máis específico dun alumno, este poderá ser remitido ó seu titor individual.

Existe tamén a figura de estudante mentor. Deste xeito, estudantes dos últimos cursos do grao (3º e 4º), que se presentan de forma voluntaria para participar no programa, orientarán aos alumnos do primeiro curso. Cada un dos grupos de teoría de primeiro terá asignado dous estudantes mentores que realizarán unha serie de reunións grupais cos alumnos (ao redor de tres reunións cada cuadrimestre) para poder orientar dende a súa posición aos alumnos de primeiro e complementar a función dos profesores titores.

Titores do PAT grupal curso 2015/16:

A continuación móstrase o listado de titores por curso e grupo: 

Alumnos mentores curso 2015/2016

A continuación móstrase o listado de alumnos mentores de cada grupo de 1º curso:

Información de interese para estudantes

• Web UDC: http://www.udc.gal
• Acceso a moodle: https://moodle.udc.es
• Cursos de formación alumnos: http://www.udc.es/cufie/ufa/paa
• ADI Atención á diversidade: http://www.udc.es/cufie/adi
• SAPE Asesoramento e promoción ao estudante: http://www.udc.es/sape
• >Mobilidade: http://international.udc.es/inicio/gl-ES
• Bolsas propias da UDC: http://www.udc.gal/admision_bolsas/axudas/bolsas_propias/
• Centro de linguas: http://www.udc.es/centrodelinguas/ga/index.html
• Biblioteca da UDC: http://www.udc.gal/biblioteca/
• Asociacionismo Universitario: http://www.udc.es/sociedade/asociacionismo/
• Admisión e matrícula: http://www.udc.es/matricula
• Deporte e actividade física universitaria: https://www.udc.gal/deportes/
• Área de cultura: https://www.udc.gal/cultura/
• Voluntariado: http://www.udc.gal/ocv/
• Igualdade e xénero : https://www.udc.gal/oficinaigualdade/
• Doutoramento: http://www.udc.es/ensino/doutoramento/
• Normativa de estudantes: http://www.udc.gal/normativa/estudantes/index.html