Nieves Rodríguez Brisaboa recibe un dos Premios Nacionais de Informática 2019
A profesora Nieves Rodríguez Brisaboa, Catedrática do Departamento de Computación, da Facultade de Informática e directora do Laboratorio de Bases de Datos (http://lbd.udc.es), foi galardoada co Premio Ángela Ruiz Robles nos Premios Nacionais de Informática 2019.
Os Premios Nacionais de Informática, que se conceden desde 2005 con periodicidade anual, están convocados pola Sociedade Científica Informática de España (SCIE) e a Fundación BBVA, e constitúen os premios máis prestixiosos a nivel estatal no ámbito da Enxeñaría Informática. Estos premios están dirixidos a "recoñecer o labor de investigadores, entidades públicas e privadas na área da Informática que dedicaron a súa carreira profesional e o seu esforzo ao estudo, fortalecemento e divulgación desta disciplina".
Nieves Rodríguez Brisaboa foi galardoada co Premio Ángela Ruiz Carballos, que toma o nome da inventora do libro electrónico, e que distingue ás actividades institucionais, corporativas ou individuais que potencien a investigación ou o emprendemento na área da enxeñaría informática e que estimulen a innovación, a transferencia de coñecemento, a creación de emprego, a apertura de novos mercados, a relevancia e impacto internacional.
No seu fallo, o Xurado destacou a Brisaboa “polos seus traballos de investigación e innovación relacionados coa Xestión de Datos, así como as súas iniciativas nos campos da transferencia de coñecemento en relación con empresas e institucións públicas, así como a creación de empresas de base tecnolóxica.”
- Máis información nas seguintes ligazóns:
https://www.fbbva.es/noticias/fallados-os-premios-de-investigacion-socie...
http://www.scie.es/premios-nacionais-de-informatica/convocatoria-2019/
